Alcan styður barna og unglingastarf Hnefaleikafélags Hafnarfjarðar.

Tenglar

Fréttir

29.1.2009

Lífshlaupið 4.-24. febrúar

Hvetjum alla til að kynna sér Lífshlaupið, skráning til hliðar hér á síðunni.

 

Lífshlaupið er fræðslu- og hvatningarverkefni ÍSÍ sem höfðar til allra aldurshópa. Landsmenn eru hvattir til þess að huga að sinni daglegri hreyfingu og auka hana eins og kostur er þ.e. í frítíma, heimilisverkum, vinnu, skóla og við val á ferðamáta. Lýðheilsustöð gaf út í fyrsta skipti árið 2008 ítarlegar ráðleggingar um hreyfingu. Börnum og unglingum er ráðlagt að hreyfa sig í minnst 60 mínútur á dag og fullorðnum í minnst 30 mínútur á dag (sjá nánar hér til vinstri undir hnappnum Hreyfiráðleggingar). Inn á vef Lífshlaupsins er hægt að velja um þrjár leiðir.

·  Ef þú ert 16 ára og eldri getur þú tekið þátt í vinnustaðakeppni.

·  Ef þú ert 15 ára og yngri getur þú tekið þátt í hvatningarverkefni fyrir grunnskóla.

·  Allir geta tekið þátt í einstaklingskeppni þar sem þátttakendur geta skráð niður sína daglegu hreyfingu allt árið.

Þú getur fylgst með fjölda þátttakenda, fjölda liða og með þeim árangri sem þátttakendur ná í hverju sveitarfélagi fyrir sig með því að smella á Staðan hér vinstra megin.

Skrá má alla hreyfingu niður en hún þarf að ná minnst 30 mínútum samtals hjá fullorðnum og minnst 60 mínútur samtals hjá börnum og unglingum til að fá dag skráðan. Tímanum má skipta upp í nokkur styttri tímabil yfir daginn s.s. 10 til 15 mín í senn. Þegar ákveðnum fjölda daga er náð í einstaklingskeppninni hlýtur viðkomandi viðurkenningu brons (42 dagar), silfur (84 dagar) eða gullmerki (252 dagar). Í hvatningarleiknum eru grunnskólanemendur hvattir til þess að ná að hreyfa sig í 11 daga í samræmi við ráðleggingar um hreyfingu. Í vinnustaðakeppninni er hugmyndafræðin þ.e. flokkaskipting og útreikningar þeir sömu og eru í fyrirtækjakeppninni Hjólað í vinnuna. Þar sem fjöldi þátttakenda er deilt með heildarfjölda starfsmanna á vinnustaðnum, nema nú er keppt um fjölda daga og mínútna.

Samstarfsaðilar ÍSÍ eru heilbrigðisráðuneyti, menntamálaráðuneyti, Lýðheilsustöð, Skýrr, Rás 2 og Ávaxtabíllinn.

Vinnustaðir, skólar og einstaklingar eru hvattir til að taka þátt og nota þannig tækifærið til að efla líkama og sál með því að hreyfa sig daglega.

Þín heilsa - Þín skemmtun

 

Skrifað 29.1.2009 kl. 19:26 af hfh.is

Bein slóð á færslu

24.1.2009

Stórmót gegn dönum í Reykjanesbæ 31. janúar

Laugardaginn 31. janúar næstkomandi verður haldið stórmót gegn úrvalsliði dana í gömlu sundhöllinni við Framnesveg í Keflavík. Danirnir verða 13 talsins og auk þess verða 5 alíslenskir bardagar. Keppni hefst kl. 19:00 en húsið opnar 18:30. Aðgangseyrir er 1.000 kr.

 

Davíð Rafn Björgvinsson (HR) vs Gunnar Guðlaugsson (HR)

 

Gunnar Gray (HFÆ) vs Hafsteinn Smári Óskarsson (HFR)

 

Dina Thorslund (Team Denmark) vs Sara Rós Pétursdóttir (HFH)

 

Hinrik R. Helgason (HFÆ) vs Arnór Már Grímsson (HAK)

 

Maria Jocobsen (Team Denmark) vs Ásdís Rósa Gunnarsdóttir (HFR)

 

Mike Teilsborg (Team Denmark) vs Daníel Hauksson (HFH)

 

Elías Shamsudin (HFÆ)vs Andri Már Elvarsson (HFR)

 

Axel Logi Þorsteinsson (HFÆ) vs Gunnar Davíð Gunnarsson (HFR)

 

Iayad Snounou (Team Denmark) vs Ástþór Sindri Baldursson (HFR)

 

Andreas Lynggard (Team Denmark) vs Pétur Ásgeirsson (HFR)

 

Mohammad Khan (Team Denmark) vs Valentyn Bukarov (HR)

 

Flemming Rasmussen (Team Denmark) vs Tom Wolbers (HFR)

 

Katar Al-Yaseri (Team Denmark) vs Matthías Arnarson (HFÆ)

 

Lau Hansen (Team Denmark) vs Björn Snævar Björnsson (HFR)

 

Anders Krog (Team Denmark) vs Gunnar Kolbeinn Kristinsson (HFÆ)

 

Mikkel Gregersen (Team Denmark) vs Gunnar Þór Þórsson (HR)

 

Christian Noya (Team Denmark) vs Adam Freyr Daðason (HFH)

 

Filip Jörgensen (Team Denmark) vs Árni Ísaksson (HFR)

Skrifað 24.1.2009 kl. 18:17 af hfh.is

Bein slóð á færslu

8.1.2009

Æfingabúðir á Laugarvatni 9. - 11. janúar 2009

Þá er komið að fyrstu æfingarbúðum hnefaleikamanna hér á Laugarvatni. Eftirtöld félög taka þátt: Hnefaleikafélag Reykjaness, hnefaleikafélag Hafnarfjarðar, hnefaleikafélag Reykjavíkur og hnefaleikafélagið Æsir.

Nánari upplýsingar hér: Æfingabúðir á Laugarvatni-1

Skrifað 8.1.2009 kl. 15:15 af hfh.is

Bein slóð á færslu

Engin álit, smelltu til að skrifa álit

Fara á upphafssíðu

Flettingar í dag: 164
Gestir í dag: 27
Flettingar í gær: 302
Gestir í gær: 43
Samtals flettingar: 63672
Samtals gestir: 18006
Tölur uppfærðar: 4.9.2010 20:16:41

Hnefaleikafélag Hafnarfjarðar | Dalshrauni 10 | Sími: 841-1165 | Netfang: hfh@hfh.is